“Kam qenë vetëm pak e lodhur”, flet italiania që u shërua nga koronavirusi

Google+ Pinterest LinkedIn Tumblr +

Italia është shteti që po kalon situatën më të vështirë në Europë përsa i përket koronavirusit.

Deri më tani kanë humbur jetën 12 persona ndërsa mbi 400 të tjerë janë infektuar.

Kreu i Emergjencave Civile në Itali është shprehur se 50% e pacientëve po kurohen në shtëpi, pa u shtruar në spital.

Njëra nga pacientet e shëruara me banim në Vo” Euganeo, është shprehur se e ka kaluar lehtë dhe nuk ka pasur temperaturë.

Ajo shtoi, se nëse nuk ke sëmundje të tjera nuk vdes, pasi është një grip si gjithë të tjerët.

“Nga çfarë të kem frikë? Është një grip normal nuk vdes nëse nuk se sëmundje të tjera. Njerëzit janë shumë në panik dhe është bërë më shumë e madhe sesa është në të vërtetë. Më bëri përshtypje një burrë i terrorizuar me maske, i cila thoshte rrugëve që do të infektohemi të gjithë. Më duket se jemi bërë të gjithë si budallenj”,tha 47-vjecarja për “Corriere.it”.

Gruaja tha më tej, se nëse nuk do të kishte vdekur Adriano (i moshuari i parë që ndërroi jetë), nuk do të ishte vizituar dhe nuk do ta kishte marrë vesh se ishte me koronavirus.

“Shumë mirë kam qenë vetëm pak e lodhur por e qetë nuk kisha as temperaturë. Nëse nuk do të kishte vdekur Adriano (viktima e parë e koronavirusit në Itali, 78 vjeç) nuk do të isha vizituar fare dhe nuk do ta kisha marr vesh se isha prekur nga virusi dhe kështu si unë edhe shumë të tjerë. Mjekët me thanë që të rrija mbyllur në shtëpi dhe nëse kisha temperaturë të pija takipirinë domethënë ta menaxhoja vetë situatën dhe të telefonoja vetëm nëse kisha temperaturë shumë të lartë. Ju duket kjo gjë për t’u alarmuar?”, përfundoi 47 vjecarja.

Shpërndaje
Share.

Komento