Pas humbjes 2-1 ndaj Napolit, Juventusi rikthehet te fitorja.
Sot bardhezinjtë arritën të mposhtin Fiorentinën me rezultatin e pastër 3-0. Me këtë tre pikësh kampionët e Italisë shkëputen disi nga presioni i Interit dhe Lazios.
Ishte përsëri Ronaldo ai që hapi tripletën. Portugezi shënoi dy herë nga pika e bardhë e penalltisë, në minutën 40’ dhe 80’.
Me këtë dopietë Cristiano shkon në 19 gola sezonal në Seria A. Në të 90’ ishte De Ligt ai që vulosi fitoren në 3-0, me një gol shumë të bukur me kokë.
Juventusi momentalisht ndodhet në vendin e parë në tabelë me 54 pikë, ndjekur nga Inter dhe Lazio me 49 pikë.
