Ish-nënkryetarja e PD-së dhe kryetarja e Kuvendit, Jozefina Topalli, ka akuzuar kreun e PD-së se në bashkëpunim me Ramën ka miratuar përbërjen e re të KQZ-së. Në këtë proces është kundërshtuar kandidatura e Ilir Rusmalit dhe është votuar një ministër i Edi Ramës.
“Para dy ditësh ne Parlament, Rama në marrëveshje me Bashën votoi emrat e KQZ së re. Sikur Basha të kishte kontestime për ndryshimet kushtetuese apo për mbylljen e listave përmes hapjes së rreme, ky i fundit nuk do të kishte dërguar ne Kuvend emrat e tij (emra që morën votën e Ramës)
Përkundrazi, ata ishin në sintoni për çdo gjë. I vetmi kontestim qe Basha kishte, ishte Ilir Rusmaili. Në një akt të turpshëm, Basha votoi ministrin e Edi Ramës dhe rrëzoi zëvendës kryeministrin e Partisë Demokratike. Ilir Rusmaili është njohësi më i mirë i zgjedhjeve, është profesor i së drejtës kushtetuese. Ai i është bashkëngjitur Partisë Demokratike që prej 3 dekadash. Një ndër mendjet më brilante të kësaj Partie .
Votimi i Bashës për ministrin e Ramës më kujtoi marrëveshjen e 2017-s kur LB detyroi grupin parlamentar të votojë listën e vetingut, që fillonte nga Ina Rama deri tek militantët më famos të kryeministrit. Sa bukur merren vesh shahistët për të ruajtur karriget e tyre. Meritokracia, vlera , parimet e dija nuk kanë asnjë vlerë për ta”, shkruan Topalli.
/Gazeta Reforma/
