Jorida Tabaku: Qeveria ndryshoi makiazhin por vazhdon të jetë e njëjta mollë e kalbur që helmon

Google+ Pinterest LinkedIn Tumblr +

Jorida Tabaku, deputetja demokratike përmes një statusi në llogarinë e saj në Facebook, shkruan se makiazhi i vendosur nga qeveria nuk e mbulon dot mollën e kalbur që po helmon me taksa të larta qytetarët dhe vendin.

Ajo thotë se ky zëvëndësim i ministrave në kabinetin qeveritar nuk zgjidh asgjë.
Sipas Tabakut, taksat e larta do të sjellin rritjen e numrit të bizneseve të mbyllura dhe gjithashtu këtë vit familjet shqiptare do të paguajnë një taksë të rritur mbi pronën për të mbushur arkën e PPP-ve.

Postimi i Jorida Tabakut

Sado që kryeministri përpiqet të ndryshojë fasadën e qeverisjes ajo është e kalbur së brendshmi. Zëvendësimi i ministrave nuk zgjidh aagjë pasi filozofia drejtuese e qeverisë dhe kryeministrit nuk ka ndryshuar. Përkundrazi, rrethi është bërë edhe më shumë personal duke shkuar kësisoj në një qorsokak edhe më të rrezikshëm për Shqipërinë dhe shqiptarët.
Në janarin 2019 bizneset dhe qytetarët do të paguajne taksën e rritur të pronës. Mbi 100 mijë biznese dhe gjithashtu të gjitha familjet shqiptare do të detyrohen të paguajnë një taksë të rritur mbi pronën për të mbushur arkën e PPP-ve që qeveria do të shpërndajë. Rritja e taksave 2 deri në 4 herë për të gjitha bizneset rrezikon të rrisë numrin e bizneseve të mbyllura në mbi 60 biznese në ditë.
Në këto ditë,kur qeveria ndryshon makiazhin dhe vendos një fasadë të re ajo vazhdon të jetë e njëjta mollë e kalbur që po helmon me taksa të larta dhe PPP qytetarët e vendit.

Shpërndaje
Share.

Komento