Deputeti PD-së: Rama të qartësojë qëllimin e emërimit të Ministrit të Jashtëm

Google+ Pinterest LinkedIn Tumblr +

Deputeti demokrat Tritan Shehu thotë se emërimi i Gent Cakaj në krye të Ministrisë së Jashtme është si  një aventurizëm politik. Ai gjithashtu thotë se mosdekretimi i tij si ministër nga presidenti Ilir Meta do ishte i bazuar.

Sipas Shehut kandidaturat e reja në kabinetin qeveritar janë një ‘shaka’ e Ramës e cila do të ndikojë në besueshmërinë e vendit tonë në botë. Ai kërkon që kryeministri duhet të qartësojë veçanërisht qëllimin e atij emërimi, origjinën e propozimit të asaj kandidature dhe mundësinë e një korelacioni me disa procese të rrezikeshme.

Postimi i Tritan Shehut

Mos dekretimi nga Presidenti Meta i ministrave te rinj, duke filluar nga Ministri i Jashtem, do te ishte i bazuar. Kandidaturat e reja per ne Qeveri perbejne nje “shaka” kakofonike, qe nuk premton permiresim te krizes ku eshte futur vendi, perkundrazi…
Emerimi kryeministror, se pari i Ministrit te Jashtem, detyre qe lidhet me ceshtje te sigurise kombetare, integrimit, stabilitetit te Rajonit, ruajtjes se terresise teritoriale te kombit, maredhenieve me NATO-n etj, perben se paku aventurizem politik i maskuar ky me nje ”nacionalizem” grotesk. Kryeministri duhet te qartesoje vecanerisht qellimin e atij emerimi (qe po shqeteson edhe miqte tane), origjinen e propozimit te asaj kandidature, mundesine e nje korelacioni me disa procese te rrezikeshme, etj. E kunderta, ulja e nivelit te argumentave deri tek sasia e librave te lexuara, qe me kujton Distinktivin “Miku i Vogel i Librit”, flet per mungese serioziteti, qe vecse shton paqartesite. Nqs ne shqiptaret nuk do te dime te prezantohemi dhe te mbrojme me dinjitet e besueshmeri interesat tona, apo akoma me keq nqs ne do te pranojme qe disa “argate a pupace” ne “shqip” dhe ne emrin tone t’i servirin partnereve obsionet e kunderta e te “gatuara” gjetke, e ardhmja nuk na premton asgje te mire.

Shpërndaje
Share.

Komento