Me të marrë postin e presidentit të Shteteve të Bashkuara të Amerikës, në drejtim të Joe Biden nuk kanë mbërritur vetëm urime, por edhe kërkesa.
Kryeministri izraelit, Benjamin Netanyahu, i kërkoi presidentit Biden që të “forcojë” aleancën e kahershme midis dy vendeve dhe se kjo është e nevojshme edhe për t’u përballë me kërcënimin që paraqet Irani.
Ndërkaq zëdhënësi i grupit islamik palestinez të Hamasit, Faëzi Barhoum ka thënë se Biden duhet të ndryshojë rrjedhën e politikave të gabuara dhe të padrejta kundër popullit palestinez dhe të vendosë bazat e sigurisë në rajon.
Kërkesa që vijnë vetëm pak minuta pasi Biden mori detyrën. Më parë mbështetjen e SHBA e kërkoi udhëheqësi i fundit i BRSS, Mikhail Gorbaçov.
Ai bëri thirrje sot pas Inaugurimit të Presidentit të SHBA, Joe Biden për të “normalizuar marrëdhëniet” midis Shteteve të Bashkuara dhe Rusisë.
Kujtojmë se Joe Biden u zgjodh zyrtarisht sot si Presidenti i 46-të i SHBA-së, pasi ceremonisë së inaugurimit dhe betimit të tij mbi Kushtetutë dhe para të gjithë amerikanëve.
Po ashtu krahu i tij i djathtë, Kamala Harris, u bë e para grua e cila u betua si Zëvendëspresidente e SHBA-së në të gjithë historinë e shtetndërtimit të saj që nga Presidenti i parë amerikan, George Washington. /Gazetareforma.com/
