Jo vetëm stres dhe depresion, ja sa është kosto ekonomike e dhunës ndaj grave

Google+ Pinterest LinkedIn Tumblr +

Dhuna ndaj grave është një nga fenomenet më negativë të shoqërisë shqiptare.

Programi i Organizatës së Kombeve të Bashkuara për Shqipërinë,  PNUD, pas një ankete të zhvilluar vitin e kaluar, doli në konkluzionin, se ky fenomen ndikon negativisht produktivitetin në ekonomi.

Siç shkruan “Monitor”, 72.4% e grave të intervistuara kishin përjetuar dhunë.

1/4 e të dhunuarave pohuan se e kishin te pamundur të kujdeseshin për fëmijët dhe të kryenin punët e shtëpisë, ndërsa 8.9% e tyre e kishin te pamundur të shkonin në punë, për shkak të dëmtimeve fizike, duke humbur edhe burimin e të ardhurave.

Në një vit, gratë e dhunuara humbin 3.7 ditë pune të paguar. Studimi doli në konkluzionin, se 4137 gra që kishin munguar në punë gjatë një viti, humbën 15.300 ditë punë, që përkthehet në 36 milion lekë të humbura.

Dhuna ndaj grave e ka koston afatgjatë, pasi një pjesë e tyre sëmuren, bëhen invalide, ose preken nga depresioni. Shumica prej tyre kanë frikë, ankth, depresion, nervozizëm, vuajnë nga pagjumësia dhe ndjenja e izolimit.

Gjithashtu studimi ka zbuluar se shumica e grave të dhunuara, vuajnë nga stresi post-traumatik.

Shpërndaje
Share.

Komento