Në një kohë kur Organizata Botërore e Shëndetit ka ngritur alarmin për Coronavirusin, duket se gripi sezonal po bëhet gjithashtu i rrezikshëm.
Situata paraqitet shumë shqetësuese në Greqi, ku nga fillimi i muajit tetor të vitit që lamë pas e deri më 2 shkurt kanë humbur jetën 38 persona.
Ndërkohë, Organizata Kombëtare greke për Shëndetin Publik bën me dije se në vetëm një javë janë regjistruar 15 raste vdekjesh nga gripi sezonal, 32 janë shtruar në spital, ndërsa 136 persona janë nën kujdes intesiv.
Nga viktima mësohet se 17 janë burra dhe 21 gra, nga mosha 4 deri në 91 vjeç, ndërsa 36% e tyre i përkasin grupit me rrezikshmëri të lartë nga gripi(fëmijë dhe të moshuar).
Mjekët paralajmërojnë se epidemia do vazhdojë deri në fund të marsit dhe u bëjnë thirrje qytetarëve të vaksinohen e të bëjnë kujdes.
