Gjykata e Janinës ka vendosur që të lërë në arrest me burg me afat 40 ditë Laert Haxhiun, i akuzuar nga Shqipëria për masakrën e Lushnjes. Shqipëria ka kërkuar në lidhje me kërkesën e Shqipërisë për ekstradim.
Sipas avokates së tij, klienti nuk i pranon akuzat e vrasjeve në Lushnje në vitin 2017, nuk pranon ekstradimin në Shqipëri dhe kërkon të qëndrojë në Greqi. Në seancë ndodhet edhe avokati shqiptar Detar Hysi.
Pas përfundimit të seancës për caktimin e masës së sigurisë në Gjykatën e Janinës, për Laert Haxhiun dhe Juxhin Bajramin, është vendosur lirimi pa asnjë masë sigurimi për 35-vjeçarin Juxhin Bajrami.
Ai mbarte akuzat: “ndihmë për kalim të paligjshëm të kufirit”, “mosbindje ndaj urdhrit të policisë”, “falsifikim dokumentesh” dhe “dëshmi të rreme”.
Çështja do të shkojë në Bordin e Apelit kompetent për të vendosur pro ose kundër ekstradimit dhe më pas në Gjykatën e Lartë.
Laert Haxhiu ka qenë i shpallur në kërkim për vrasjen e dyfishtë të ndodhur në vitin 2017. Haxhiu qëndronte në shtetin fqinj me dokumente të falsifikuara. Në lejen e qëndrimit greke, ai mbante identitetin si Mikis Askalidis, 32 vjeç, lindur në Gjeorgji.
Historitë e hasmërive në Lushnjë i kanë rrënjët thellë, në kaosin e vitit 1997, atëherë kur banesa e Aldo Bares ishte “Komisariati Nr.2”.
Tani që shokët i janë vrarë, burgosur apo në arrati, hakmarrja ka rënë mbi familjarët e Aldo Bares. Xhulio Shkurti është vënë në qendër të një sulmi të egër, tani që xhaxhai i tij nuk është aty për ta mbrojtur.
