Gjykata e Fierit ka dhënë masën e sigurisë “arrest me burg§ për Indrit Alushajn, 33-vjeçari që i vuri flakën zyrave të Drejtorisë Arsimore në Fier.
Para se të hyntë në Gjykatë, ai ka thënë për mediat se kërkonte punë prej tre muajsh dhe nuk e kishte siguruar një të tillë edhe pse ia kishin premtuar. Gjithsesi, 33-vjeçari është shprehur i penduar për veprimin që ka kryer.
Ditën e premte Alushaj, i vendosi zjarrin zyrave të DAR-it në Fier pasi e lagu vendin me benzinë. Si pasojë e flakëve nuk pati persona të lënduar, por vetëm dëme materiale. U bë me dije se 33-vjeçari kishte aplikuar për punë si mësues në portal, por nuk e kishin pranuar.
Për këtë arsye ai i vuri flakën zyrave të Drejtorisë Arsimore në Fier.
Njoftimi i policisë për ngjarjen e ndodhur diten e premte:
Fier
Informacion paraprak
Sot rreth orës 15:10, te Drejtoria Arsimore Fier, në katin e dytë ka rënë zjarr.
Në vendngjarje kanë shkuar shërbimet e policisë të cilët bënë evakuimin e personave që ndodheshin aty.
Shërbimi zjarrfikës po punon për fikjen e flakëve.
Ende nuk dihen shkaqet e rënies së zjarrit. Grupi hetimor është duke punuar për zbardhjen e plotë të rrethanave të ngjarjes.
