Porositë vesh më vesh? Ç’u thanë Kryemadhi dhe Basha nën zë ‘kryesorëve’ të protestës

Google+ Pinterest LinkedIn Tumblr +

Prej rreth 2 orësh pranë Ministrisë së Brendshme ka nisur protesta kundër shembjes së Teatrit Kombëtar, thirrur nga Alenaca për Mbrojtjen e Teatrit.

Deri tani nuk kanë munguar incidentet, pasi disa minuta më parë janë hedhur kapsolla dhe janë dëgjuar dy shpërthime.

Më pas mbi turmë është ngritur një re tymi, teksa disa protestues janë plagosur.

Së fundmi, kryetarja e LSI-së, Monika Kryemadhi ka filluar aksionin brenda protestës, pasi është fotografuar teksa i është afruar avokatit Artan Manushaqja dhe i ka folur për disa çaste në vesh.

Më pas, Kryemadhi shkoi tek regjisori Edmond Budina, dhe bëri të njëjtin gjest.

Pak më pas është parë kryedemokrati Lulzim Basha, i cili ka bërë të njëjtin gjest edhe me regjisorin tjetër, Robert Budinën.

Ende nuk dihet se cila është porosia që kryetarja e LSI-së u ka dhënë të pranishëmve dhe nëse ka të bëjë me ndonjë përshkallëzim të protestës, e cila deri më tani ka qënë e qetë.

Gjatë orëve të para të mëngjesit të djeshëm u shemb godina e Teatrit Kombëtar, ku pati përplasje të njëpasnjëshme gjatë ditës mes Policisë dhe protestuesëve. Në Polici janë shoqëruar dhjetëra aktivistë, aktorë e figura të opozitës, teksa kjo e fundit ka paralajmëruar për aksion opozitar.

Në 16:30 nisi protesta mbarëkombëtare e thirrur nga Alenca për Mbrojtjen e Teatrit ndërsa Policia gjatë gjithë ditës së sotme është përgatitur dhe ka blinduar me efektivë të gjithë zonën, ku do zhvillohet protesta. Lleshaj paradite zhvilloi një takim me drejtuesit e Policisë ku ka dhënë urdhër që të jenë mbi 1000 efektivë në protestë.

Shpërndaje
Share.

Komento