Kryeministri Edi Rama nëpërmjet një video-live në Facebook njofton detajet e kontratë së lidhur me Pfizer për sigurimi e vaksinës Covid-19.
Ai deklaroi se janë kontraktuar 500 mijë doza, një pjesë e të cilave do t’i dhurohet Kosovës.
Vaksina do të jetë falas dhe jo e detyrueshme, tha kreu i qeverisë.
“Në përfundim të vitit të kaluar dhe në vigjilje të Vitit të Ri, siguruam 500 mijë dozat e para të vaksinës me Pfizer.
Kemi dakordësuar me Akt Normativ për aktivizimin e kontratës. Sasia e dakordsësuar do të paguhet menjëherë 10.700 dozat e para do të vijnë në javën e tretë të janarit. Mbi 30 mijë të tjerat vijnë në shkurt. Ndërkohë që edhe me dy vende partnere kemi siguruar 9000 doza”, tha Rama.
Rama tha që një pjesë e vaksinave do ti dhurohet Kosovës, për vaksinimin e bluzave të bardha.
“Kosovës do t’i dhurojmë një sasi për vaksinimin e bluzave të bardha të spitalit të Prishtinës. I kam kërkuar ministres së shëndetësisë që të flasë me homologun në Kosovë. Personeli shëndetësor atje do të ketë mundësinë të vaksinohet si të gjithë kolegët në Shqipëri”.
“Ky nuk është fundi i përpjekjes sonë për të garantuar që asnjë dozë e vaksinës të mos mungojë deri në fund. Do vazhdojmë të përpiqemi me këmbëngulje dhe pa pushim që plani i vaksinimit të vazhdojë sipas parashikimeve”, deklaroi Rama.
/Gazetareforma.com/
