Java Botërore e Imunizimit fillon sot, duke u zhvilluar çdo vit në javën e fundit të prillit, me qëllimin për të promovuar vaksinimin dhe mbrojtjen e individëve të të gjitha grupeve moshuar nga sëmundjet.
Kjo nismë udhëhiqet nga UNICEF dhe Organizata Botërore e Shëndetësisë, dhe tema e këtij viti është “Imunizimi për të gjithë është diçka e arritshme”.
Në vitin 2025, Java Botërore e Imunizimit ka për qëllim të sigurojë mbrojtjen e më shumë fëmijëve, adoleshentëve dhe të rriturve nga sëmundje të parandalueshme me vaksina.
Gjatë pesë dekadave të fundit, vaksinimi ka kontribuar në rritjen me 40% të mbijetesës së foshnjave, ndërsa vaksina e fruthit ka shpëtuar 60% të jetëve të fëmijëve.
“E ardhmja e imunizimit përfshin jo vetëm mbulimin e miliona fëmijëve që ende nuk kanë marrë asnjë vaksinë, por gjithashtu mbrojtjen e të moshuarve nga gripi, foshnjave nga malaria dhe RSV, nënave shtatzëna nga tetanozi, dhe vajzave të reja nga HPV,” thotë OBSH në faqen e saj zyrtare.
Vaksinat janë një prej arritjeve më të mëdha të shkencës moderne, duke ndihmuar në uljen drastike të vdekshmërisë së fëmijëve dhe duke shpëtuar miliona jetë në të gjithë botën.
