Pak kohë më parë dy të rinj shqiptarë humbën jetën, pasi u përplasën për vdekje nga një shtetase italiane.
Irina Vetere është 30-vjeçarja e lindur në Rusi, por që jetonte në Itali, përplasi për vdekje dy të rinjtë shqiptarë. Këta të fundit sapo kishin dalë nga një diskotekë në Itali.
Vetere ka folur për mediat italiane, ku ka shprehur pendesën e saj për ngjarjen e rëndë. Ajo është vendosur në burgun e Modenas disa ditë pasi ndodhi aksidenti.
Vetere tregon se është pranë familjes së atyre dy të rinjve që humbën jetën fatalisht. Teksa shpërtheu pa pushim në lot, Irena tha se nuk i intereson as çfarë mund të ndodhë me të.
“Ndodhem pranë familjeve të atyre të rinjve. Nuk më intereson se çfarë do të më ndodhë mua. Ajo që do të më ndodhë do të jetë e drejtë”, është shprehur Vetere.
Gjendja e saj psikologjike është shumë e rënduar. Ajo ndodhet në burgun e grave që nga 4 korriku. Për shkak të dëmtimeve të pësuara në trup, asaj iu desh të qëndronte një javë në spital për të marrë veten.
30-vjeçarja e lindur në Rusi dhe me profesion mjeke, aksidentalisht përplasi me makinë dy të rinj shqiptar mbrëmjen e 30 qershorit, për shkak të drejtimit të mjetit në gjendje të dehur.
Kjo përplasje rezultoi fatale për 20-vjeçarët shqiptarë Ergi Skënderi dhe Xhulio Kaja. Sipas policisë, niveli i alkoolit në gjak të shtetases italiane ishte 5 herë më i lartë se norma.
