Në një ndeshje dramatike dhe plot emocione, Anglia arriti të sigurojë fitoren në gjysmëfinalen e dytë të Euro 2024 përballë Holandës, me rezultat 2-1. Kjo fitore i siguroi biletën për finalen e madhe ku do të përpiqen të marrin trofeun pas tre viteve nga dështimi në finalen e Webleyt kundër Italisë.
Tekniku holandez, Ronald Koeman, nuk e fshehu zhgënjimin e tij pas ndeshjes, duke komentuar: “Anglia na vuri në vështirësi sidomos gjatë pjesës së parë, veçanërisht në repartin e mesit të fushës. Vuajtëm shumë dhe nuk kontrolluam si duhet lojtarët si Foden dhe Bellingam.”
Koeman gjithashtu vuri në dukje përmirësimin e skuadrës së tij në minutat e fundit të ndeshjes: “Ndjesia ime ishte që në 20-25 minutat e fundit ishim më të freskët fizikisht, por u ndëshkuam nga një gol në fund. Ky është futbolli. Nuk më ngelet gjë tjetër veçse të them se jam krenar për këta djem dhe për gjithë rrugëtimin e skuadrës sonë në këtë evropian.”
