Tre djemtë dhe nipërit e liderit të Hamasit, Ismail Haniya u vranë nga një bombardim izraelit në qytetin e Gazës. Sipas “Al Jazeera” ishte kreu i lëvizjes islamike palestineze, ai që e konfirmoi lajmin. Duke folur për “Al Jazeera”, Haniya tha se tre nga fëmijët e tij Hazem, Amir dhe Mohammad u vranë nga sulmi izraelit.
Ai shtoi se janë vrarë edhe nipërit e tij, të cilët ishin strehuar në kampin e refugjatëve Al Shati, duke nënvizuar se rreth 60 anëtarë të familjes së tij janë vrarë që nga viti fillimi i luftës.
“Armiku beson se duke vënë në shënjestër familjet e liderëve, do t’i shtyjë ata të heqin dorë nga kërkesat e popullit. Kushdo që mendon se shënjestrimi i djemve të mi do ta shtyjë Hamasin që të ndryshojë pozicion është deluzional,“- tha Haniya.
Deri më tani, Forcat e Armatosura të Izraelit (IDF) nuk e kanë konfirmuar goditjen në kampin e refugjatëve.
