Pas ngjarjes së djeshme në Bushat, ku u sulmua e u dogj qendra e KZAZ reagoi ministri i Brendshëm Sandër Lleshaj. Ky i fundit deklaroi shkarkimin e kryetarit të bashkisë së Vaut të Dejës.
Pas Lleshajt ai që ka reaguar është kryeministri Edi Rama, ku menjëhërë pas deklaratës së Lleshjat, ka firmosur shkarkimin e kryetarit të bashkisë së Vaut të Dejës, Zef Hilës.
Këshilli i Ministrave ka shkarkuar nga detyra kryetarin e Bashkisë së Vaut të Dejës, Zef Hila, pas propozimit të bërë nga ministri i Brendshëm Sandër Lleshaj.
“Zef Hila, haxhiqamilisti i Vaut të Dejës, jo vetëm u shkarkua po do të ndiqet penalisht, për aktin barbar të djegies së shkollës dhe djegies së materialeve zgjedhore! Kush do ta ndjekë shembullin e tij, do të ketë të njëjtin fat dhe do të përballet me drejtësinë”, shkruan Edi Rama në Twitter.
Për ngjarjen në Bushat u arrestuan 15 persona, mes tyre edhe Alfred Hila, vëllai i kryetarit të Bashkisë së Vaut të Dejës.
