Iu sekuestruan pasuritë, zbulohet lidhja e trafikantit shqiptar me të shumëkërkuarin e drejtësisë italiane

Google+ Pinterest LinkedIn Tumblr +

Prokuroria e Posaçme ka nisur hetimet për shtetasin italian Giovani Di Cosimo, që ka çuar më pas në arrestimin e tij.

Di Cosimo është i kërkuar nga drejtësia italiane për përfshirje në grup kriminal, të trafikut të drogës.

Gjatë hetimeve është zbuluar, se pjesë e grupit është edhe Bledar Seferi (alias Hakorja) , për të cilin kanë nisur verifikimet e pasurisë.

Në përfundim të hetimeve, Gjykata e Posaçme e Shkallës së Parë, ka vendosur sekuestrimin e një fabrike të lëndeve plastike në Shijak, truall me sipërfaqe 5954 m2 nga e cila 3070 m2 është ndërtësë, një ullishte  me sipërfaqe 6650 m2 në Tiranë, 5 makina dhe dy llogari bankare në shumën 3.103.244 lek dhe 21.022 euro.

Pasuritë e sekuestruara

Një fabrikë për prodhimin e lëndëve plastike në Shijak, Durrës. Asetet, aksionet/kuotat dhe pasuritë e subjektit “REY PLASTICA” sh.p.k. me NIPT L71325502Q, me status aktiv.

Pasuria e llojit Arë+Truall me sipërfaqe 5954 m², nga kjo sipërfaqe ndërtesë 3070 m², ndodhur në Durrës. Në këtë pasuri ushtron aktivitetin subjekti “REY PLASTICA” sh.p.k.

Pasuria e llojit ullishtë me sipërfaqe 6550 m², ndodhur në Tiranë.

Automjetet e markës “Fiat”, modeli 500, viti prodhimit 2008 dhe markës “Land Rover”, modeli RANGE ROVER, viti prodhimit 2014;

Automjet i markës “AUDI”, modeli A2, viti prodhimit 2001;

Automjet i markës “Fiat”, modeli 500L, viti prodhimit 2014;

Automjet i markës “Mercedes Benz”, modeli B180 CDI, viti prodhimit 2012;

Llogari bankare në shumën 3.103.244 lek.

Llogari bankare në shumën 21.022 euro.

Vendimi i gjykatës është ekzekutuar më 11 shkurt 2020 nga policia gjyqësore.

Shpërndaje
Share.

Komento