Disa shqiptarë që jetojnë në Britani janë përfshirë në një sherr masive me disa polakë në një klub nate në Oxford.
Shkak është bërë grupi i polakëve, të cilët kanë hedhur në tavolinën e shqiptarëve një shishe alkool, për motive ende të paditura.
Kaq ka mjaftuar që shqiptarët, identitetet e të cilëve nuk janë bërë publik, të sulmojnë e ta kthejnë klubin në një arenë boksi.
Sherri ndodhi rreth orës 02:30 të mëngjesit dhe u ndal vetëm pas ndërhyrjes se punonjësve të sigurisë të klubit të natës.
Më pas në vendgjarje ka ardhur policia, e cila ka arrestuar personat e përfshirë në ngjarje.
Në përfundim, tre polakë janë dënuar pasi akuzohen për dhunë dhe prishje të rendit publik, ndërsa një tjetër është shpallur në kërkim.
Bëhet me dije se ata janë të moshave nga 19 deri në 30 vjeç.
