Një 58-vjeçar ka ndërruar jetë në rrethana të çuditshme, mëngjesin e sotëm në Korçë.
“Balkanweb” shkruan se viktima është Telha Kelo nga fshati Pojan.
Mësohet se babai i dy fëmijëve ka qenë i shtruar në spitalin e Korçës dy ditë më parë.
Përveç dhimbjes së kokës dhe barkut, mjekët nuk kanë hasur ndonjë problem tjetër.
Familjarët shprehen se 58-vjeçari po kurohej nga tëmthi dhe kishin kërkuar ta transferonin drejt Tiranës.
Trupi i tij ndodhet në morg që prej orës 08:00 dhe pritet që t’i nënshtrohet ekspertizës mjeko-ligjore.
Me çështjen po merren Oficerët e Policisë Gjyqësore në Prokurorinë e Korçës.
