Një person është gjetur i vrarë me armë zjarri në zonën e Livades në Shkodër. Viktima është Endri Mustafa. Ky i fundit kishte tre ditë i zhdukur dhe familjarët kishin bërë denoncim. Po kush është Endri Mustafa?
Viktima Endri Mustafa është një emër i njohur në qytetin e Shkodrës. Mustafa është arrestuar në vitin 2016 për grabitje e arsenal armësh së bashku me vëllezërit e njohur Bilali, Astrit dhe Brahim Bilalin, si dhe Ardit dhe Bekim Torishtën.
Nga ana tjetër, emri i tij del në pistë edhe në vitin 2020 gjatë operacioni ‘’Maranaj’’ sërish për fajde, ku ai u shpall në kërkim policor. Të përfshirë në skemë ishin Berhan Alija, Jonuz Alija bashkë me Endri Mustafën, Edi Memçaj, Ilir Sokoli, Artan Dragani, Pashko Vuksanelaj, Lulzim Sylja, Adri Bala, Naim Ahmeti, Vinko Nikprelaj, Eduart Fusha teksa skema u denoncua nga ish-prefekti Paulin Radovani ndërsa nuk ngelën pas as djemtë e tij, Robert dhe Elton Radovani.
Mësohet se familjarët e kishin denoncuar në polici, pasi prej disa ditësh i kishin humbur kontaktet. Panorama raporton se Endri Mustafa kishte marrë dy mesazhe nga persona të panjohur, të cilët i kishin kërkuar të dilte jashtë dhe prej asaj dite, familjarët nuk kishin asnjë informacion për të. Ai u gjet i vrarë në zonën e Livadës, ndërsa paraprakisht mësohet se Mustafa ka qenë i arrestuar më parë.
Ende nuk ka detaje në lidhje me ngjarjen e ndodhur, ndërsa policia dhe grupi hetimor po punojnë për zbardhjen e vrasjes së Endri Mustafës.
