Ditën e sotme mes 14 të infektuarve ishte edhe një i burgosur në burgun 313, duke e çuar në 19 numrin e të infektuarve në këtë vatër.
Specialistja e ISHP-së, Marjeta Dervishi ka deklaruar për mediat se të prekurit janë në gjendje të stabilizuar dhe në monitorim të vazhdueshëm.
Sakaq, sot u vu re një rënie e ndjeshme e rasteve të rjea, pasi dje u raportuan 34 të prekur, numri më i lartë që nga nisja e epidemies në vendin tonë, çka hodhi poshtë tezën e mjekëve që e kemi kaluar pikun.
Por, a ishte dita e djeshme piku i virusit në vendin tonë?
Instituti i Shëndetit Publik deklaron se ky fakt nuk nënkupton se kaloi piku i pandemisë, duke shpjeguar se kemi të bëjmë me një përhapje në klastera, apo grupe të caktuara, dhe nuk kemi të bëjmë me një përhapje në komunitet
“Pavarësisht shifrave, nuk mund të themi se është piku, pasi kemi të bëjmë me një përhapje në klastera, apo grupe të caktuara, dhe nuk kemi të bëjmë me një përhapje në komunitet.”, u shpreh Dervishi.
Aktualisht në vendin tonë janë infektuar 726 persona dhe janë shënuar 28 viktima, pasi sot në mëngjes ka humbur jetën një 60-vjeçar tek spitali Covid 2.
Ndërkohë, numri i të shëruarve ka shkuar në 410 dhe prej javësh numri i rasteve aktive është me i vogël se numri i të shëruarve.
