Një ish-agjent i CIA-s, Alexander Yuk Ching Ma, u deklarua fajtor për spiunazh për Kinën, sipas Departamentit Amerikan të Drejtësisë. Ma, i lindur në Hong Kong në vitin 1952 dhe më vonë bërë qytetar amerikan, pranoi se kishte dorëzuar informacione të rëndësishme të klasifikuar të SHBA-së në vitin 2001 gjatë një takimi me agjentë të inteligjencës së Shangait, pavarësisht se nuk kishte punuar për CIA-n për 12 vitet e fundit. Në këtë takim, organizuar në Hong Kong nga një tjetër ish-agjent i CIA-s me origjinë nga Shangai, Ma mori 50,000 dollarë si pagesë.
Në vitin 2003, Ma u punësua nga FBI në Hawaii për të ofruar shërbime gjuhësore, ndërsa FBI ishte në dijeni të lidhjeve të tij me inteligjencën kineze. Ai punoi atje deri në vitin 2012 në një zyrë ku aktivitetet e tij mund të monitoroheshin nga FBI. Departamenti Amerikan i Drejtësisë nuk ka specifikuar si u zbulua aktiviteti i tij i spiunazhit. Ma tani rrezikon deri në 10 vite burg për veprimet e tij.
