Ebrahim Raisi do të jetë presidenti i ardhshëm i Iranit pasi një numërim i pjesshëm i votave i dha atij një epërsi të dukshme. Ai mundi tre kandidatë të tjerë në zgjedhjet në të cilat kandidatët më të favorshëm ishin të ndaluar të merrnin pjesë.
Raisi është gjykatësi më i lartë i Iranit dhe mban pikëpamje ultra-konservatore. Ai është nën sanksione të SHBA.-së dhe ka qenë i lidhur me ekzekutimet e kaluara të të burgosurve politikë.
Presidenti i Iranit është zyrtari i dytë më i lartë në vend, pas udhëheqësit suprem. Presidenti ka një ndikim të rëndësishëm mbi politikën e brendshme dhe punët e jashtme. Por në sistemin politik të Iranit është Udhëheqësi Suprem i vendit, Ali Ali Khamenei, kleriku i lartë fetar, i cili ka fjalën e fundit për të gjitha çështjet e shtetit.
Kleriku 60-vjeçar ka shërbyer si prokuror në pjesën më të madhe të karrierës së tij. Ai u emërua shef i gjyqësorit në 2019, dy vjet pasi humbi nga Hassan Rouhani në zgjedhjet e fundit presidenciale.
Raisi e ka prezantuar veten si personin më të mirë për të luftuar korrupsionin dhe zgjidhur problemet ekonomike të Iranit. “Ankesat e njerëzve tanë për problemte janë të vërteta”, tha ai ndërsa dha votën e tij në Teheran.
Ai është i ashpër ndaj klerikëve në pushtet iranian dhe madje është parë si një pasardhës i mundshëm i Ajatollah Khamenei si udhëheqësi suprem i vendit.
