Dy persona janë arrestuar në Tiranë pasi akuzohen për mashtrim me sigurimin e makinës me qëllim përfitimin e dëmshpërblimit të padrejtë. Armando Kallmeti, 22 vjeç, dhe Igli Topalli, 25 vjeç, inskenuan një aksident me automjetet e tyre, duke paraqitur të dhëna të rreme për të mashtruar kompaninë e sigurimeve.
Ngjarja ndodhi më 4 tetor 2024, kur Kallmeti, duke drejtuar një “Benz”, humbi kontrollin dhe doli nga rruga. Më pas, në bashkëpunim me Topallin, ata inskenuan një përplasje mes dy makinave dhe tentuan të përfitojnë dëmshpërblim. Të dy akuzohen për “Mashtrim në sigurime” dhe “Veprime që pengojnë zbulimin e së vërtetës”.
