I lakuar e madje i akuzuar për shumë afera ndër të cilat edhe ajo me inceneratorët e mbetjeve, ministri i Rindërtimit, Arben Ahmetaj, ka folur sot përballë një paneli gazetarësh, si për të paraqitur të vërtetën e tij.
Ai ka folur edhe për aksidentin në Kumanovë, ku ndodhej në automjet sipas tij, me Mirel Mërtirin, i cili akuzohet si i përfshirë në aferën e inceneratorëve.
Në një intervistë për “Opinion”, Ahmetaj thotë se, Mërtiri nuk figuron askund dhe mund të udhëtojë me shumë biznesmenë ndërsa u shpreh se po flitet për konspiracion.
Rreplikat:
Ahmetaj: Kur flasim për një aksident që është ngjarje e rëndë, kuptohet që ka konsdegenca personale dhe mbi të gjitha duhet ti referohemi të dhënave zyrtare. Ju referuat Mirelit, Gjokajt, Nardit, janë emrat që nxori investigimi.
Nuk është investigim, është e ditur publike nga Ministria e Brendshme e Maqedonisë së Veriut dhe spitali. E para, më nxirrni ku janë pronarët dhe administratorët e inceneratorëve. Ai djali nuk figuron fare.
Kikia: I figuron bashkëshortja.
Ahmetaj: Më fal. E para që është e rëndësishme, unë mund të udhëtoj, të pi kafe me shumë biznesmenë. A e ke ndihmuar në procedurë këtë njeri? Jo. Ke letra dhe unë nuk isha pjesë e procedurës dhe bëhet me kontraktorë tjetër që është Ministria e Mjedisit. Personi që i referoheni nuk figuron fare në dokumente. Aty është pol urth që është kompani ndërkombëtare.
Fevziu: Stela Gugallja a është bashkëshortja e tij? Klodian Zoto është juristi i kompanisë?
Ahmetaj: Çfarë po thoni? Juristi mund të jetë, mund të mos jetë një ditë. Çfarë është? Është i klonuar? Jeni mirë apo s’jeni mirë? Çfarë po bëni? Konspiracion. S’kam ardhur të bëj konspiracion. Personi Mirel Mërtiri nuk figuron fare. Unë si Ministër nuk kam qenë pjesë e procedurës.
Me Mërtirin jam njohur në kafe, me ty në shkollë, me Bashkim Ulajn jam njohur në një tryezë pune, me Salillarin në një darkë miqësore.
Mërtiri, është bashkëjetuesi i Stela Gugallias, e cila ka në pronësi inceneratorin e Elbasanit, studimin e të cilit e kishte bërë më herët Klodian Zotos, i cili ka në pronësi nga ana tjetër kompaninë që menaxhon mbetjet e Fierit.
Ndërkohë që po ky biznesmen, është në krye të kompanive që do të menaxhojë mbetjet e Tiranës, duke e përqendruar si asnjëherë në pak duar, një prej aferave më të diskutueshme të kohëve të fundit.
Pagesat për inceneratorët
Ministri i Rindërtimit, Arben Ahmetaj, sqaroi në emisionin “Opinion” kontratën për inceneratorët.
Ministri iu përgjigj akuzave se kjo kontratë është hartuar dhe negociuar brenda një dite, duke thënë se një gjë e tillë nuk është e vërtetë, pasi janë bërë katër muaj punë, që ka kulmuar më 16 dhjetor 2014, kur u firmos kontrata.
“Procedura ka filluar më 11/8 dhe që atë ditë ka filluar një procedurë në Ministrinë e Mjedisit, që kulmon më 16 dhjetor 2014. Fakti është që në 16 janë mbyllur procedurat. Kontrata nuk është negociuar për një ditë, ka ardhur dhe është paraqitur në ministri, është diskutuar, është çuar për aprovim në Këshillin e Ministrave. Të gjitha këto janë konsekuencë e 4 muajve punë në emergjencë. Një qeveri që vendos të pastrojë plehrat, dhe do vazhdojë t’i pastrojë edhe në mandatin e tretë, ditën e parë foli me qytetarin e Elbasanit. Nuk është një ditë punë, është kulmimi i katër muajve punë. Duhet të çmontojmë një gënjeshtër. Nuk u hartua dhe negociua kontrata brenda një dite, por ishin 4 muaj punë. Ditën e hartimit janë paguar 5.57 milionë euro pa TVSH, ndërkohë që impianti bën 21.6 milionë euro pa TVSH.
Ky është një investim publik. Në periudhën që privati ka ndezur veprën dhe e ka kolauduar ka marrë nga buxheti i shtetit 5.57 mln euro dhe ka paguar 21.6 mln euro. Vërtetojeni këtë që them unë dhe nëse nuk është kështu, atëherë unë nuk e di çfarë do bëj.
Ky është një partneritet publik-privat tipik, ku ditën që është dorëzuar aseti, dhe që funksionon, atë ditë gjithë aseti kushtonte 21.6 milionë euro, të cilat janë investuar nga privati, i cili nga shteti ka marrë deri në atë ditë 5.57 mln euro, pra gati ¼ më pak të këtij investimi. Autoriteti Kontraktor, që është Ministria e Mjedisit, ka paguar me firmë deri më atë ditë 5.57, dhe entiteti ka investuar gjithë asetin”,- tha Ahmetaj.
/Burimi: Tv Klan/ GazetaReforma.com/
