Mëngjesin e sotëm, kreu i Partisë së Lirisë, Ilir Meta, ka takuar sot në selinë blu kreun e PD, Sali Berisha. Bëhet e ditur se temat kryesore të diskutimit kanë qenë zgjedhjet e 14 majit por edhe skandali me ish-agjentin e FBI-së. Gjithashtu kreu i Partisë së Lirisë Ilir Meta u shpreh për gazetarët se me Berishën kanë diskutuar për çështje shumë të rëndësishme teksa shtoi se protestat dhe zgjedhjet i japin fund regjimit të Edi Ramës. Po ashtu ai tha që edhe Berisha do të japë më shumë shpjegime për gazetart.
“Me qëllim instalimin e kleptokracisë në vendin tonë dhe dëbimin e të gjithë shqiptarëve që duan një shtet të së drejtës dhe duan të respektohen të drejtat e tyre që shkelen çdo ditë. Është e qartë që ne do të ecim në rrugët e protestave, protestat dhe zgjedhjet do t’i japin fund këtij regjimi. Që nga fakti që jemi vendi më i korruptuar në kontinent, më i polarizuar se çdo vend tjetër, paratë në vend që të shkojnë për qytetarë, shkojnë për të blerë McGonigalët e Rossinët. Kemi rënë dakort për shumë çështje të rëndësishme, do të dalë edhe Berisha të flasë me ju. Absolutisht do të kemi për qëllim ekzekutimin e këtij regjimi mafioz”
