Do t’i kthej referendumin popullit, presidenti të jetë i popullit,-deklaroi Meta Nga Malësia e Madhe ku mori pjesë në ceremoninë solemne të përkujtimit të 100-vjetorit të Luftës së Koplikut dhe nderimit të 77 Dëshmorëve të Atdheut, presidenti Ilir Meta iu përgjigj interesit të medias lidhur me zhvillimet e fundit politike. Ai tha se iu kishte një borxh shqiptarëve, kthimin e sundimit të popullit përmes referendumit.
“Të kthej sundimin e popullit përmes referendumit, këtë borxh i kam shqiptarëve. Ia kanë hequr çdo mundësi popullit këta, duan vetëm ta shtypin popullin me PPP, banda më drejtorë që dhunohen”, tha Meta.
Presidenti, tha Meta,- ka qenë është e do të jetë i popullit, interesit kombëtar i kushtetutës.’’Thonë se po e dëmton Shqipërinë jashtë, kam një pyetje për ju ? Kush i ka çuar çështjet në Venecia? Presidenti apo pseudomaxhoranca? Menduan se do blejnë edhe një opinion gjysmak, edhe për të rrëmbyer të vetmin institucion të popullit shqiptar”, tha Meta.
Meta tha se qeveria është rrëzuar prej kohësh dhe ka zero legjitimitet.
“Presidenti asnjëherë nuk ka qenë njësh me politikën e opozitës, sepse për disa nga çështjet kryesore sot zoti Tao do ishte kryetar i opozitës dhe do i jepte mundësi të kthehej në rrugën e humbur të së majtës. Kam unë një pyetje: Pse janë kundër 5 qershorit? Pse janë për bllokimin e çeljes së negociatave? A ka ndryshuar gjë programi i PS? Pse vënë në diskutim sovranitetin e Kosovës? Me deklarata të komanduara të tij, se do kemi në pak vite një president të përbashkët, që do të thotë s’ ka nevojë të kemi më Kosovë të pavarur” deklaroi Meta.
/Gazeta Reforma/
