Mjeku Pëllumb Pipero është kthyer në një nga personazhet më të dashur gjatë periudhës së pandemisë.
Në një intervistë për “RTSH”, Pipero propozoi që ndeshjet e futbollit të mos luhen të plota, por me më pak se 45 minuta një pjesë.
Ky propozim nëse do të vihej në zbatim do të shkaktonte çrregullim në botën e futbollit, pasi duhet të ndryshohej e gjithë rregullorja.
Mirëpo njësoj si Pipero mendon edhe kreu i Sindikatës së Futbollistëve në Angli, Gordon Taylor.
Ky i fundit ka kërkuar gjithashtu reduktimin e pjesëve të lojës.
“Shkurtimi i kohëve të ndeshjes do të ishte zgjidhje efikase. Pra, jo më 45 minuta për pjesë, por më pak”.
Në pothuajse të gjithë vendet e botës, që prej shpërthimit të pandemisë futbolli është ndërprerë, ndërsa nuk ka ende një datë fikse për rifillimin e tij.
