Presidentit lir Meta i kane mbetur edhe shumë pak muaj në pozicionin e kreut të shtetit.
Ndërkohë që është drejt fundit të mandatit, Meta ka bërë disa deklarata të forta mbrëmjen e sotme.
Ai ka thënë se në momentin që kuptoi se qeveria kërkonte të rrëmbente të drejtën e presidentit për caktimin e 2 prej anëtqarëve të gjykatës Kushtetuese, kishte komunikuar prej muajsh Bashën.
Meta tha se pas reagimeve anashkaluese të Bashës, i cili shqetësohej për gjërat më të padobishme, atëherë humbi besimin tek ai dhe në këtë mënyrë nuk i mbeti rrugëzgjidhje tjetër veçse të bënte thirrje për proestën e 2 marsit.
“Mua ma bënë më të vështirë por antenat i ngrita më lart. U detyruva derisa të kërkoja edhe ndihmën e popullit. Për 2 mars mund t’ju them juve që duke qenë se jam njeri i përgjegjshëm dhe serioz nuk doja një manifestim për të treguar se isha lideri i opozitës apo diçka e tillë. Kur e kuptova që këta donin të rrëmbenin edhe anëtarët e gjykatës kushtetuese që i takonin presidentit sipas kushtetutës ka dështuar në përpjekje që në 2 mars. Jo vetëm që kam respektuar paktet e bëra me ndërkombëtarët, por kam pritur dhe u kam bërë thirrje nëse dekretet e mia sipastyre le t’i çojnë në Venecia. Po shiko tani Edi Rama është i vetmi në glob që thotë merr ti dokumentet e tua dhe çoji në Venecia.
Këta sapo filloi kjo situata e pandemisë në Itali, fusin një ligj që ta bënin fakt të kryer. Unë e kuptova këtë e thërrisja Bashën i thoja ore hajde se duan të rrëmbëjne vendet e GJK. Ai më thoshte jo po këtej jo po kastravecat në Lushnjë janë problem shumë i madh. Ai nuk bënte asnjë iniciativë, e humba besimin tek ai se nuk reagonte për asgjë të rëndësishme”, u shpreh Meta.
