Gazetari i njohur Milaim Zeka ndodhet prej ditësh i shtuar në spital, pasi është infektuar me koronavirus.
Ai ka kritikuar se organizimi i Komisionit Qendror Zgjedhor është për faqe të zezë.
“Miliona shkojnë për përgatitjen e zgjedhjeve, të njëjta budallallëqe, sa i përket organizimit të KQZ është për faqe të zezë, ata na telefonuan prapë, disa kemi mundur me votu me kusht, kanë mundur të marrin fletvotime, kur një byrokroci përdoret për ta përdhunuar votën e qytetarit ku përmes votës përcaktojmë fatin e vendit tonë atëherë çfarë të presim tjetër”, ka thënë Zeka në klankosova.
Ai ka thënë se kjo është hera e parë që nuk mund të votojë në zgjedhjet demokratike të Kosovës.
“Është hera e parë që nuk do të mund të votoj. Tani jam në spital kam komplikime në frymëmarrje, skam ndonjë shqetësim përpos temperaturës, apeloj te qytetarët që të mos tallen me COVID-19”,- tha Zeka.
Nga ana tjetër mediat kosovare kanë publikuar njoftimin se dhe të prekurit me covid mund të votojnë, pasi janë ngritur disa grupe të posaçme që shkojnë në spitale dhe shtëpi
Prej mëngjesit të sotëm të këtij 14 shkurti, deri tani kanë votuar gati 5% e numrti që pritet të votojë.
Pavarësisht kohës së vështirë të epidemisë dhe motit të ascartë, KQZ njofton se pjesëmarrja në votime është e lartë.
