Një ngjarje e rëndë ka ndodhur mbrëmjen e djeshme në Nea Agxialon, Greqi. Një shqiptar vrau me thikë kushëririn e gruas, pas një konflikti të ashpër në shtëpinë e viktimës.
45-vjeçari, autor i ngjarjes ka qenë në shëpinë e kushëririt të gruas, ndërkohë që të pranishëm kanë qenë edhe dy fëmijët e mitur të të riut.
Ata kanë qenë duke drekuar në shtëpinë e viktimës, ndërkohë që në muhabet e sipër janë ashpërsuar tonet dhe 45-vjeçari e ka goditur 3 herë me thikë.
Viktima u transportua me shpejtësi në spital, por nuk mundi t’u mbijetonte plagëve të marra.
Ndërkohë që fëmijët kanë parë të gjithë skenën e frikshme, kështu shkruajnë mediat greke ku lajmi ka bërë bujë.
