Për të trtën ditë radhazi në vendin tonë u shënua një numër i ulët rastesh të reja me COVID-19.
Nga 171 persona të testuar në 24 orët e fundit, u konfirmuan vetëm 7 raste të reja me koronavirus, ku 5 ishin në Tiranë, 1 në Krujë dhe 1 në Kukës.
Mësohet se i prekuri në Kukës është një rast i riatdhesuar nga Kosova.
Ky shtetas është nga Tirana dhe po qëndronte në karantinë në një hotel në Kukës, së bashku me 15 të riatdhesuar të tjerë.
Të gjithë të karantinuarve u janë marrë tamponat dhe për fat të mirë kanë rezultuar negativ, ndërsa i infektuari është transportuar në Tiranë.
Në Kukës numri i të prekurve ka shkuar në 18, ku 16 prej tyre janë shëruar plotësisht.
Në mesin e të shëruarve janë 5 punonjës të spitalit Infektiv dhe 6 efektivë të patrullës së policisë në Kukës.
