I refuzojnë azilin politik, “Gylenisti” padit qeverinë shqiptare. Avokati i shtetasit turk Selami Simsek njoftoi se ai ka ngritur një padi për të pezulluar deportimin e tij dhe për të rrëzuar vendimin e Komisionit Kombëtar për Refugjatët dhe Azilin i cili kishte refuzuar t’i jepte atij azil në Shqipëri.
Avokati Elton Hyseni paraqiti ankesën në gjykatë, ndërsa Simsek gjendet në qendrën e paraburgimit të emigracionit Karrec në Tiranë. Simsek dhe avokati i tij janë duke kërkuar që të anulohet urdhri i marsit i Drejtorisë së Azilit dhe Shtetësisë në Ministrinë e Brendshme, po ashtu edhe urdhri për dëbimin e tij në Turqi.
Më 10 shtator, Komisioni Kombëtar për Azil dhe Refugjatë vendosi të refuzojë kërkesën e tij për azil. Komisioni deklaroi që apeli i tij u bë vonë dhe e përdorën atë si bazë për refuzim.
Komisioni Shqiptar i Helsinkit në një reagim të tij tha se janë shkelur procedurat. Komiteti gjithashtu vuri në dukje se rreziku për t’u burgosur në Turqi nuk u mor parasysh nga Komisioni në rastin e Selami Simsekut.
Sismek akuzohet se është një “Gylenist” e cila është shpallur si një organizatë terroriste në Turqi. Ata që besohet se mbështesin Lëvizjen Gylen janë burgosur.
Ai u arrestua me një shtetas tjetër turk Harun Çelik në Aeroportin e Rinasit dhe u gjet që mbante një pasaportë false. Të dy thanë se po iknin nga persekutimi në Turqi dhe kërkuan azil. Çelik u dënua me pesë muaj burg dhe më pas u dërgua në Turqi pavarësisht se kishte kërkuar azil politik.
Për rastin e Harun Celik, ka reaguar edhe Grupi i Ndalimit Arbitrar të Kombeve të Bashkuara që ngriti disa çështje dhe pyetje me Shqipërinë.
Gjatë vizitës së tij në Shqipëri, në shkurt, Ministri i Jashtëm turk Melvut Cavusoglu i kërkoi qeverisë shqiptare të dorëzojë Gylenistët. Çavusoglu tha që ata duhet të kthehen në Turqi, duke kujtuar se “presin mbështetjen dhe kontributin e Shqipërisë në arsim dhe çështje të tjera”.
/GazetaReforma.com/
