I punësuar në shtet, ish-polici i ekzekutuar në Tiranë merrte rrogën pa shkuar në punë

Google+ Pinterest LinkedIn Tumblr +

Detaje të reja janë zbuluar nga hetimet për vrasjen e ish-policit, Santiago Malko në kryeqytet.

Prej një viti Malko punonte si Inspektor Pyjesh në zonën e Dajtit, shkruan “Shqiptarja.com”.

Paralelisht me vrasjen, po kryhen hetime edhe për mënyrën sesi ish-polici kishte arritur që të siguronte një punë në administratën shtetërore.

Që prej janarit të këtij viti, ai nuk ishte paraqitur në punë, e megjithatë rroga kalonte rregullisht në bankë.

Sipas ligjit të dekriminalizimit, një person me precedentë penalë nuk mund të punojë në administratën shtetërore, vetëm në rastet kur vërtetohet se është rehabilituar.

Kujtojmë këtu se pas vrasjes së Malkos, kreu i Inspektoriatit të Mjedisit, Armando Lamaj, ka dhënë dorëheqjen nga detyra.

Santiago Malko ishte një person me precedentë penalë edhe në të shkuarën.

Ai u përfshi në një konflikt me vëllezërit Lashi në 2016-ën, për shkak të një borxhi për bastet sportive.

Gjithashtu ish-polici ishte i pranishëm në lokalin në ish-bllok, ku mbeti i vrarë Fabian Gaxha e u plagos shoku i tij, Ervis Martinaj.

Aktualisht grupi hetimor po pret përgjigjet nga laboratori shkencor, mbi analizat për armët dhe sendet e tjera, të gjetura në mjetin e djegur që u përdor nga autorët.

Në lidhje me atentatin, policia është duke hetuar dy të dyshuar, me iniciale D.A. dhe L.D.

Shpërndaje
Share.

Komento