Të prekësh të fortin në Shqipëri sot është gati-gati e pamundur! Përballë emrave të njohur edhe pushteti gjyqësor duket se dridhet. Sidomos përballë Olsi Ramës, bosi i kripto valutave, lojrave të fatit dhe kumarit në Shqipëri, i cili duket se do të hetohet nga SPAK.
Lajmin e bën të ditur Pamfleti ku citon se SPAK ka filluar hetimin për mashtrimet me kriptomonedhat dhe skemat e mashtrimit nga Call Center-at për vëllain e kryeministrit.
Olsi Rama ka lidhje të forta në biznes me personin më të kërkuar në Europë, Amant Josifi, (i cili ka qenë këshilltar i Ministres së Mbrojtjes Olta Xhaçka nga viti 2017 deri në fund të vitit 2020).
SPAK thuhet se akuzon Olsi Ramën për mashtrimin e 235 mijë personave, të cilët nëpërmjet inxhinierisë sociale u bënë viktima të humbjes së miliarda dollarëve përmes bursës dhe kripto valutave.
“Dosja në SPAK, ka brenda saj lidhjet e biznesit mashtrues të Amant Josifit me Olsi Ramën nga viti 2014, kohë kur u themelua kompania “Pegasus Communication SHPK” dhe gjithë periudhën ku fitimet fundoseshin thellë në mister, në Parajsat Fiskale. Në këtë fillim, sipas një dokumenti të OSBE-së, vëllai i Kryeministrit, një emingrant i sapo kthyer nga Amerika, investoi 200 milion dollarë për të kapur fronin e Mbretit të aksioneve “fiktive” përmes kompanisë guackë “‘Group”, organizatës kriminale transnacionale, ku SPAK ka parkuar spirancën e hetimit”, shkruan Pamfleti.
Duket se SPAK është detyruar që të hetojë vëllain e kryeministrit pasi ai është hetuar nga ndërkombëtarët që kanë sjellë në SPAK dosje të kopsitura mirë. Me kërkesë të tre shteteve, Gjermanisë, Italisë dhe Holandës po hetohen 13 kompani në vendin tonë për mashtrime me investimet në bursë, ku ndër emrat kryesor është ai i Olsi Ramës.
