I ndërrohet prona me vëllain, policia i vë prangat bashkëshortit për ndërtim pa leje

Google+ Pinterest LinkedIn Tumblr +

Probleme nga më të shumtat ndodhin çdo ditë në vendin tonë, ku më e keqja është se nuk ke as ku kërkon ndihmë përveç medias.

Nga një gabim i Zyrës së Regjistrimit të Pasurive të Paluajtshme në Dibër i ka kushtuar rëndë 2 vjet më parë familjes Gazidedja.

Tefta është shprehur para kamerës së “BalkanwWeb”, se bashkëshorti i saj është arrestuar nga gabimi që ka bërë Zyra e Regjistrimit të Pasurive të Paluajtshme në Dibër.

Sipas zonjës Tefta, hipoteka ka vendosur në pronësi dy objekte për dy vëllezër, por jo siç ata jetojnë. Banesën e kunatit të saj e ka vendosur në emër të burrit të Teftës, ndërsa banesën e saj në emër të kunatit.

Ajo i është drejtuar edhe kryeministrit Rama e çdo institucioni tjetër, por nuk ka gjetur zgjidhje për problemin e saj. Prandaj ajo ka parë si zgjidhje të vetme vetëm median, pasi çështja e saj është hedhur si “top”, nga njëri institucion në tjetrin dhe ende nuk ka gjeur zgjidhje.

Ajo është shprehur në fund të fjalës së saj se të gjitha institucionet drejtuese në vendin tonë janë të mbushura me arrogancë dhe papërgjegjshmëri.

“Problemin e kisha me Zyrën e Regjistrimit të Pasurive në Dibër dhe iu drejtova kësaj zyre. Duke qenë se nuk gjeta zgjedhje, qoftë formale, qoftë verbale, iu drejtova Prefekturës., si organi më i lartë lokal në qarkun Dibër.

Pas kërkesës sime, Prefektura iu drejtua me shkresë Hipotekës për të zgjidhur problemin, për të korrigjuar pronësinë. Asnjë përgjigje nuk ka prej Prefekturës. Gjithashtu iu drejtova Zyrës Qendrore të Regjistrimit të Pasurive të Paluajtshme në Tiranë, Zyra Qendrore në Tiranë i kërkon Zyrës vendore që të bëjë korrigjimin e pasurisë.

Gabimi është bërë nga Zyra Vendore e Regjistrimit të Pasurive. Gabimi është bërë në Hartën treguese të Pasurisë. Ata mundohen që gabimin e vet t’ua faturojnë të tjerëve, duke futur vëllezërit në konflikt.

Në këtë rast, vëllai nuk ka faj, absolutisht. Se korrigjimin dhe kartën treguese të pasurisë e korrigjon vetë Zyra. Pra nuk shkon qytetari të bëjë regjistrimin. Edhe sikur qytetari të shkojë vetë, prapë verifikohet.

Kam marrë topograf privat, me licencë të ligjshme dhe ka bërë planin. E kam bërë që scili vëlla të ketë pjesën e vet. Prapë ata nuk e duan këtë mënyrë. Thonë duhet me kalim pronësie.

Thotë merre vëllain, pse ta bezdis unë vëllain kur ai ka pronësinë e vet. Korrigjimin duhet ta bësh ti, sepse gabimin e ke bërë ti. Dhe ligji e kërkon kështu, është faktike, është në pronë të vet, Lutfiu në pronë të vet, vetëm kanë ndryshuar emrin. Pronat janë në rregull, faktike është se i gëzojnë të dy, i përdorin dhe i disponojnë të dy. Secili i ka faktike, vetëm se nuk i kanë ligjore. Thonë ta bësh me kalim pronësie.

Edhe me kalim pronësie ne po e bënim, vetëm, të marrim zgjidhje. Që unë të kem rruge zgjidhje për të nxjerrë leje për këtë ndërtim këtu. Që unë mos penalizohem më.

Kam marrë burgim që është konvertuar në shërbim prove, vetëm pse kam bërë këtë ndërtim këtu dhe është në pronë faktike timen. Gjithë pasoja më ka ardhur nga Hipoteka në Dibër. Mua më vjen keq se jam ankuar në instancat më të larta dhe nuk kam marrë përgjigje. Unë jetoj në kushte të rënda.

Nuk ka term që mund t’iu vësh këtyre institucioneve, mbushur me arrogancë e papërgjegjshmëri,” shprehet Tefta.

Shpërndaje
Share.

Komento