Godina e Kavalishencës u shpall e pabanueshme 5 ditë pas tërmetit të 21 shtatorit.
Ambjentet e brendshme ishin të rrezikshme, pasi rënia e tullave dhe suvave mund të shkaktonte dëme në njerëz, si dhe kishte nevojë për rkonstruksion të muraturës.
Akti i konstatimit është firmosur nga arkitektët, Emirjana Sako, Adnand Toçila, dhe inxhinierët Diana Dedja dhe Elsa Kalesha, shkruan “Shqiptarja.com”.
Pavarësisht kësaj, në godinë instruktorët dhe studentët vijonin të zhvillonin mësimin.
Ditën e sotme, policia arrestoi drejtorin dhe nëndrejtorin e Kavalishencës, përkatësisht Ahmet Doda dhe Kujtim Hasa.
Nga rrënojat e Kavalishencës, u nxorr i pajetë kryeinspektori Bajram Hajdarmataj.
Ky i fundit refuzoi të qëndronte në godinën e vjetër ku ndodheshin studentët.
