Yuri Kim po mbaron mandatin e saj si ambasadore e SHBA në Tiranë dhe në takimin me temë “Praktika gjyqësore e Gjykatës së Lartë, nga identiteti kombëtar tek vlerat universale”, këtë të mërkurë ka deklaruar se mbështetja e Amerikës do të vazhdojë pavarësisht zëvendësuesit të saj.
Kim tha se Reforma në Drejtësi, dhe plotësimi i të gjitha vendeve vakante në shkallët e gjyqësorit, është një prej prioriteteve të SHBA në vendin tonë.
Yuri Kim:
Gjykata e Lartë ka shumë gjëra për të qenë krenare, nga 19 sot ka 16 anëtarë, duhet të plotësohen sa më shpejt 3 vendet vakante. SHBA janë krenare që e mbështesin Gjykatën me ekspertë për të ulur stokun e dosjeve.
Reforma në Drejtësi po funksionon vërtetë, në fund ju mund të keni sa më shumë mbështetje ndërkombëtare, por i takon Shqipërisë që të veprojë. Themeli i reformës në drejtësi, është ndarja e gjyqësorit nga politika, por kjo është e pamundur nëse mbizotërojnë modelet e vjetra. Ruajtja e integritetit dhe pavarësisë së drejtësisë, janë thelbësore për procesin.
Janë vendosur të gjithë mekanizmat, të gjithë zyrtarët publikë pa përjashtim, pa përjashtim, duhet të udhëhiqen nga parimet e shtetit ligjor. SHBA mbeten të përkushtuara për të mbështetur Shqipërinë, puna që ju po bëni është thelbësore për integrimin. Pas 3 viteve është koha për një ambasador të ri, por ajo që unë mund të them mesiguri është se mbështetja e SHBA për sistemin e drejtësisë nuk ka për të ndryshuar.
Na është dashur që me të gjithë që jeni këtu kemi bërë biseda të vështira, por ju duhet të kuptoni se kur ne themi që reforma në drejtësi duhet të bëhet, ne e dimë që Shqipëria ka mundësi që të arrijë gjëra më të mëdha.
E rëndë në Tiranë, 16-vjeçarja humb jetën pasi u hodh nga pallati në ndërtim
Një ngjarje tragjike ka ndodhur sot në kryeqytet, ku një vajzë 16-vjeçare dyshohet se është vetëhedhur nga një pallat në...
