Detaje të reja janë zbuluar në lidhje me vrasjen e ditës së djeshme në Durrës.
Sipas “Balkanweb”, Ruzhdi Tosuni kishte një lidhje jashtëmartesore që e vazhdonte prej kohësh.
Mësohet se autori i kishte blerë edhe një shtëpi gruas tjetër dhe kishte hyrë në shumë borxhe.
Për shkak të pamundësisë ekonomike, ai ka dashur që të shesë dyqanin e metrazheve, por gruaja e tij nuk ka pranuar.
Pas disa konflikteve të njëpasnjëshme, 63-vjeçari e qëlloi me hekurin e qepenit nënën e tre fëmijëve, duke i marrë jetën.
Dëshmitarët okularë shprehen, se 59-vjeçarja ka tentuar të largohet, por autori e ka tërhequr dhe e ka goditur duke e lënë të vdekur.
Pas kryerjes së krimit, Ruzhdiu uli qepenin dhe lajmëroi policinë.
