Një ngjarje e rëndë ka tronditur orët e para të mëngjesit të sotëm në Tiranë, ku një efektiv i Gardës së Republikës është gjetur i pajetë në automjetin e tij.
Trupi i 47-vjeçarit Gentjan Lelçaj u zbulua brenda garazhit të banesës së tij në rrugën “Mihal Grameno”, rreth orës 02:00.
Sipas të dhënave paraprake nga policia, dyshohet se ai i ka dhënë fund jetës me armën e shërbimit.
Lelçaj ishte pjesëtar aktiv i Gardës dhe po kalonte një periudhë të vështirë personale, pasi ndodhej në proces divorci me bashkëshorten, çka mund të ketë ndikuar në vendimin fatal.
Grupi hetimor ka nisur mbledhjen e provave në vendin e ngjarjes, duke analizuar pamjet e sigurisë dhe duke marrë dëshmitë e nevojshme për zbardhjen e plotë të rastit.
