Një automjet i parkuar në bulevardin Blu në Kamëz është shpërthyer gjatë natës nga një lëndë plasëse e vendosur në të. “Audi Q7” ishte në pronësi të Artan Lleshit, ndërkohë që ka ardhur një reagim nga ana e tij pasi I hodhën makinën në erë. Ai ka mohuar të ketë jetuar më parë në Angli, ndërsa ka thënë se ku dyshon për ngjarjen.
“I vetmi dyshim që kam është që në vitin 2000, xhaxhai im ka vrarë një person dhe ka kryer dënimin. Të tjerat janë lajme false për klikime dhe do ti padis për shpifje” tha Artan Lleshi për Ora Neës.
Vlen të përmendim se fillimisht u raportua se dyshimet mbi shkaqet e ngjarjes lidheshin me aktivitetin e tij jashtë vendit. Paraprakisht bëhet me dije se ka vetëm dëme material dhe janë thyer xhamat e jashtëm të një dyqani pranë
Grupi hetimor vijon punën për zbardhjen e plotë të rrethanave të ngjarjes, identifikimin dhe kapjen e autorëve.
“Më datë 31.05.2022, në orën 01:00, në bulevardin “Nënë Tereza”, në automjetin tip “Audi Q7” dyshohet se ka shpërthyer lëndë plasëse. Si pasojë është dëmtuar mjeti dhe xhamat e një biznesi afër mjetit. Grupi hetimor vijon punën për zbardhjen e plotë të rrethanave të ngjarjes, identifikimin dhe kapjen e autorëve”, thuhej më herët në njoftimin e Policisë së Shtetit.
