Julian Sulo është 39-vjeçari që iu sekuestruan ditën e sotme 70 mijë euro dhe një automjet me vlerë 100 mijë euro.
Paratë dhe makina dyshohet se janë përfituar nga aktiviteti kriminal, shkruan “Faxweb”.
Sekuestrimi i pasurisë së tij, vjen një ditë pas ekzekutimit të biznesmenit, Besmir Hida.
Julian Sulo, ose i njohur ndryshe si “Juli i Pashakos”, është një emër i njohur për policinë, pasi është përfshirë në disa ngjarje kriminale të mëparshme.
Hera e fundit, kur Sulo pati problem me drejtësinë daton dy vite më parë.
Asokohe 39-vjeçari nuk iu bind urdhërit të policisë për të ndaluar, por për mungesë provash u la i lirë disa ditë më vonë.
Në momentin e arrestimit, ai ndodhej brenda një makine të blinduar, ndërsa me vete iu gjet një pistoletë edhe 15 fishekë.
Sulo është gjithashtu një nga persona e shoqëruar, si të dyshuar për masakrën e Lushnjes, ku u vranë Jurgen Hoxha dhe Zamir Latifi, ndërsa u plagosën edhe pronari i lokalit e një kalimtar.
Shënjestra e autorëve ishte nipi i Aldo Bares, Xhulio Shkurti.
Pasi ndodhi vrasja, Sula u vetëdorëzua në polici, por u lirua për mungesë provash
Ndërkohë një ngjarje tjetër ku është skeduar Sulo, është edhe ajo e tre viteve më parë, më 11 qershor të 2016-ës.
Bëhet fjalë për plagosjen e Julian Sulos pas ndeshjes Shqipëri-Zvicër, në një pikë bastesh në lagjen “Skënder Libohova”.
Lokali ishte në pronësi të Arjan Aliços, i cili njohet ndryshe si “Arti i Braçes”.
Ky i fundit është dënuar më parë për vrasje dhe njihet si një prej ushtarëve të kreut të bandës së Lushnjes, Aldo Bares.
Sulo u qëllua me thikë dhe me leva, derisa u la buzë rrugës si i vdekur, ndërsa më pas u shpëtua nga një kalimtar i rastit.
Ai nuk përmendi emrin e ushtarit të Aldo Bares, por Aliço mori përsipër sulmin dhe tashmë ndodhet në burg.
Banesa e Aliços ndërkohë u qëllua me armë zjarri më 29 janar të këtij viti, por fatmirësisht nuk pati persona të lënduar.
