Një krim brenda familjes është parandaluar nga policia në Domje të Vorës.
Protagonist i ngjarjes ishte një 66-vjeçar, i cili ka kërcënuar me armë bashkëshorten e tij.
Sipas policisë, Sali Bumica, dhunonte psikologjikisht bashkëshorten, ndërsa e kërcënonte edhe me armë.
Në cilësinë e provës materiale, policia ka sekuestruar kallashnikovin, me të cilin 66-vjeçari kërcënonte bashkëshorten.
Bumica tashmë do të përballet me akuzat e “Dhunës në familje” dhe “Armëmbajtjes pa leje.
Për këto vepra, kodi penal parashikon burg deri në 7 vjet.
