Policia e Tiranës ka arrestuar 52-vjeçarin Qerim Musha, i cili është ish-shoferi i ish-kreut të Burgjeve, Arben Çuko.
Musha akuzohet se ka marrë një sasi parash për të liruar një të burgosur.
Ai ishte në kërkim në kuadër të operacionit “Vol-vo4”.
Për të gjykata kishite dhënë masën e sigurisë “Arrest me burg”, për veprën penale “Korruspion pasiv i funksionarëve të lartë shtetërorë ose i të zgjedhurve vendor”.
Njoftimi i Policisë:
Kapet dhe ndalohet një tjetër person i shpallur në kërkim në kuadër të operacionit policor Vol-Vo 4. Në vijim të punës për kapjen e personave të shpallur në kërkim, specialistët për Hetimin e Krimit Ekonomik e Financiar në DVP Tiranë, kanë bërë kapjen e shtetasit Q. M., 52 vjeç, banues në Tiranë, person i shpallur në kërkim nga Departamenti i Policisë Kriminale në Policinë e Shtetit, në tetor të vitit 2018, në kuadër të operacionit policor Vol-Vo 4. Gjykata e Shkallës së Parë për Krime të Rënda Tiranë ka caktuar masën e sigurimit personal “Arrest në burg” për shtetasin Q. M., pasi dyshohet se ka kryer veprën penale “Korrupsioni pasiv i funksionarëve të lartë shtetërorë ose i të zgjedhurve vendorë”. Materialet i kaluan Prokurorisë, për veprime të mëtejshme.
Kujtojmë këtu se operacioni “Vol-vo4” u zhvillua në 2018-ën dhe u goditën 4 grupe kriminale.
Në mesin e të arrestuarve ishte edhe ish-deputeti socialist, Arben Ndoka dhe ish-drejtori i Burgjeve, Arben Çuko, të cilët u lanë të lirë më pas nga gjykata.
Cuko akuzohej për transferimin e të dënuarit Olsi Karagjozi, për shumën e 3000 eurove
