Faruk Baybasin, i quajtur ndryshe si “Escobari turk”, ka dalë ditën e sotmë përpara trupit gjykues.
Baybasin u arrestua me qëllim ekstradimin në Francë dhe ndaj tij ishte dhënë masa e sigurisë 40 ditë burg.
Turku është dënuar me 30 vite burg nga autoritetet franceze, për trafik lëndësh narkotike përmës Spanjës.
Ai ka mohuar të ketë qenë në Francë dhe se duhej të ishte liruar në bazë të ligjit për të drejtat e njeriut.
Debati në seancë:
Baybasin: Kam 40 ditë këtu, duhet të isha liruar, në bazë të të drejtave të njeriut.
Gjyqtari : Kur të shkoni në Francë kërkoni ndryshimin e vendimit, i cili u mbaron në vitin 2043. Ndaloj ekstradimin në Francë vetëm nëse rezulton gjatë gjykimit që nuk mund të bëhet një gjë e tillë.
Prokurori i çështjes kërkoi “burg pa afat”, pasi 40 ditëshi mbaron sot.
Gjykata ndërkohë do t’i vërë në dispozicion turkut të gjitha aktet e vendimit të dënimit në Francë.
Seanca e radhës do të zhvillohet më 4 shkurt ora 10:00.
Faruk Baybesin është dënuar me 30 vite burg për trafik heroine dhe kërkohet nga gjykata e Loire Atlantique.
Drejtësia e franceze e ka shpallur turkun fajtor, si pjesëtar i organizatës kriminale që trafikonte heroinë në Europë.
Baybesin ka qenë shumë aktiv përgjatë viteve 1994-1995.
Ai gjithashtu ka pranuar se është djali i trafikantit të dënuar, Mahmut Baybesin, pjesë e familjes së narkotrafikut.
Grupi Baybesin morën etiketimin si “Escobarët e Europës”, pasi kreu i grupit, Husein Baybesin u quajt “Escobari i Europës”.
