Një ngjarje që mund të përfundonte e rëndë ka ndodhur mbrëmjen e djeshme në burgun e Fushë- Krujës.
I burgosuri Dragut Skana, i ka vënë flakën qelisë së izolimit në shenjë proteste, pasi sipas tij ishte duke u mbajtur padrejtësisht.
Skana ka qenë në dhomën e izolimit për shkak se është i pabindur dhe kjo për të është thjesht një justifikim dhe asgjë më tepër.
Nga raportimet e para dhoma e izolimit është shkrumbuar plotësisht, por fatmirësisht gardianët kanë mbërritur në kohë për të shpëtuar të burgosurin nga flakët, i cili nuk ka marrë dëmtime të rënda.
Dragut Skana është dënuar për grabitje me armë dhe tentativë vrasjeje, mirëpo njihet si person i pabindur dhe për këtë arsye jo pak herë ka përfunduar në dhomën e izolimit.
