Një nga ngjarjet që ka bërë më shumë bujë dy vite më parë ka qenë edhe vrasja para derës së shtëpisë të kryepolicit, Artan Cuku.
Sot Bashkia Dibër ka marrë një vendim në nder të kryepolicit duke vendosur shpalljen e “Qytetar Nderi”, ndërkohë që është shpallur edhe “Dëshmor i Atdheut”.
Fjalë të ndjera kanë qenë edhe ato të bashkëshortes së tij, Marjola në një dokumentar të realizuar për Cukun një vit më parë.
“Tani ishte njeri me surpriza, një njeri gazmor, ishte një baba që kur dilte në darkë më familjen, nëse kishte muzikë në sfond ai ngrihej të kërcente me vajzën, këndonim të katërt. Për 6- vjetorin e martesës kishte bërë një pakt me prindërit e mi që të kujdeseshin dy ditë për vajzat. Kishte përgatitur një udhëtim në Venecia, dhe avioni nisej në 3 të mëngjesit,e pashë që nxori valixhen, e pyeta ku do shkosh ti sepse e dija që nuk kishte më udhëtime pune, e me thotë: kemi vetëm 30 minuta kohë, se ne do ikim diku për 6-vjetorin e martesës“, do shprehej bashkëshorja e tij në dokumentar.
Ish-drejtuesi i lartë i policisë, Artan Cuku u vra në hyrje të pallatit ku kishte shtëpinë në rrugën e Kosovarëve, në datë 8 prill 2017. Për ngjarjen policia ka arrestuar Mikel Shallarin, vrasës me pagesë, ndërsa porositësi ishte Bledar Jambelli.
