Në Austri është futur në fuqi një ligj i ri i cili është paksa i çuditshëm. Në këtë shtet mësohet se do të lejohet vetëvrasja e asistuar. Që nga ky muaj, e deri më tej, të gjithë personat e rritur që janë të sëmurë përfundimisht ose kanë një gjendje të përhershme, të dobët, mund të zgjedhin të kryejnë një vetëvrasje të asistuar.
Parlamenti në këtë shtet ka miratuar ligjin e ri në dhjetor, kjo pas një vendimi të gjykatës kushtetuese për këtë çështje. Ndërkohë të gjithë zyrtarët shprehen se qeveria ka alokuar gjithashtu fonde për të trajtuar me kujdes këto raste, me qëllim për të siguruar që askush të mos zgjedhë të vdesë kur opsionet e tjera janë në dispozicion.
Vetëvrasja e asistuar, në të cilën dikujt i jepen mjetet për t’i dhënë fund jetës së tyre, është e ligjshme në Zvicër. Pas marrjes së miratimit nga dy mjekë, pacientët duhet të presin 12 javë për të reflektuar mbi vendimin e tyre. Nëse ata nuk duan të vazhdojnë pas kësaj periudhe pritjeje, mund të marrin ilaçe vdekjeprurëse shoqëruar me një njoftim nga një avokat ose noter. Ndërkohë për të parandaluar abuzimin, emrat e farmacive që shesin këto barna do t’u zbulohen vetëm avokatëve dhe noterëve që marrin këto njoftime.
