Një ngjaje e rëndë u regjistrua mëngjesin e sotëm në Shkodër.
Një vajzë 13-vjeçare e komunitetit rom humbi jetën si pasojë e zjarrit që ra në baraken ku ajo flinte gjumë.
Ishte gjyshja ajo që ndezi zjarrin, i cili përfshiu më pas të gjithë baraket.
Një i afërm i vajzës tha për “Report Tv” se ajo ka pasur probleme mendore dhe qëndronte te shtëpia e fëmijës në Tiranë.
Ai shton se në momentin që ra zjarri, vajza ishte duke fjetur gjumë.
“E kemi pas të shtëpia e fëmijës, e kemi pas edhe në Tiranë. Po shkuam e morëm para vitit të ri që të festonte me familjen. Ajo ka pas probleme mendore, ka qenë gjyshja e vet që ka ndezur zjarrin në barake. Edhe kjo ka qenë në gjumë. Në momentin që është ndez zjarri ka shkuar në banjë, kur ka dal ka pa flakën. Vajza ka qenë në gjumë. Unë i kam njerëzit e gruas. I vëllai ishte tu pi kafen e mëngjesit jashtë. Kemi pas me probleme gocën. Ka pas probleme me veshin shumë keq. E kemi vizitu në Shkodër, pas kësaj e çuam edhe atje tek qendra ku rrinte goca me fol me ta për problemin. Ndodhi kështu si ndodhi nuk e di tani”, tha i afërmi i vajzës.
